Situatë kaotike, bulevardi “Dëshmorët e Kombit” mbulohet nga tymi, i vihet sërish flaka biznesit privat

Situata para godinës së Kryeministrisë është tensionuar, teksa protestuesit kanë hedhur molotovë në drejtim të forcave të policisë.

Në përgjigje të incidenteve, efektivët kanë ndërhyrë me gaz lotsjellës dhe autobotë me ujë, në përpjekje për të shpërndarë protestuesit dhe për të vënë situatën nën kontroll.

Bulevardi “Dëshmorët e Kombit” është mbuluar nga tymi, ndërsa përplasjet mes protestuesve dhe policisë vijojnë. Pavarësisht përdorimit të gazit lotsjellës dhe ujit me presion, protestuesit nuk janë tërhequr nga zona përpara Kryeministrisë.

Situata mbetet e tensionuar, ndërsa policia vijon ndërhyrjen për menaxhimin e turmës dhe shpërndarjen e protestuesve.