Situata para Kryeministrisë është përshkallëzuar, ku përplasjet mes policisë dhe protestuesve kanë krijuar tension të lartë në Bulevardin “Dëshmorët e Kombit”.
Në mesin e kaosit, një person është parë i shtrirë pa ndjenja në tokë.
Forcat e policisë kanë përdorur masivisht gaz lotsjellës në drejtim të protestuesve, ndërsa në shesh janë pozicionuar edhe tre autobote uji, të cilat kanë lëshuar ujë me presion të lartë drejt turmës.
Ndërkohë, sipas raportimeve nga protesta, në drejtim të protestuesve janë hedhur edhe gurë.
Situata vijon të mbetet e tensionuar, ndërsa për momentin nuk ka informacion të plotë mbi gjendjen shëndetësore të personit që u pa pa ndjenja në tokë.
