Kryeministri Edi Rama tha se dialogu është i domosdoshëm, por vuri në pikëpyetje se me kë duhet të zhvillohet, duke argumentuar se protestat e tanishme nuk kanë të njëjtin karakter me lëvizjen studentore të vitit 2018. Sipas tij, pas tyre qëndrojnë ekstremistë dhe njerëz të paguar, të cilët po shfrytëzojnë të rinjtë për të krijuar destabilitet në vend.
“Unë nuk kam tallur askënd, unë kam treguar me gisht ata që janë edhe sot pjesë e gjësë, as për ta bërë Shqipërinë më të mirë, janë aty për ta kthyer Shqipërinë përmbys, qoftë për llogari të PD, të Republikës Khomeiniste të iranit. Kjo është e vërteta. Duhet dialog, patjetër, kjo është A-ja, por me kë? Me studentët? Po i kthehem 2018. Ajo ishte lëvizje studentore, por kjo nuk është. Është një kurth jo për mua, për Shqipërinë ku njerëz të paguar, të ekstremizuar, të reja e të rinj, idealistë që janë pre e një ideologjie, marrëzie e ashtuquajtur Antifa, kanë marrë peng të tjerët”, tha Rama.