Plumbat kapin tubacionet e gazit, baza ushtarake në Kanada përfshihet nga zjarri i madh, 7 viktima

Një zjarr i përmasave të mëdha ka shpërthyer në bazën ushtarake Ëainëright, në provincën kanadeze të Albertës, duke shkaktuar të paktën shtatë viktima dhe disa të plagosur, sipas raportimeve të Global News.

Sipas informacioneve paraprake, incidenti ndodhi gjatë një stërvitjeje me municion luftarak, kur dyshohet se u godit një tubacion ose pus gazi brenda bazës.

Flakët u përhapën me shpejtësi, të favorizuara nga erërat e forta, ndërsa në vendngjarje u angazhuan ekipe zjarrfikëse nga disa zona. Spitalet në Wainëright dhe Edmonton u përballën me një fluks të madh pacientësh, duke aktivizuar protokollet e emergjencës.

Kryeministri kanadez Mark Carney deklaroi se qeveria federale po bashkëpunon me autoritetet lokale dhe provinciale për menaxhimin e situatës.

Shkaqet e sakta të incidentit mbeten ende të paqarta, ndërsa autoritetet vijojnë reagimin ndaj emergjencës.