Protesta ka marrë një tjetër ritëm në ditën e saj të gjashtë, teksa të rinjtë kanë zgjedhur një mënyrë ndryshe për të vijuar qëndresën e tyre. Me daulle dhe valle tradicionale shqiptare, ata kanë krijuar një atmosferë festive në Rrugën e Durrësit, duke tërhequr vëmendjen e qytetarëve të pranishëm.
Studentët janë bërë pjesë e kësaj atmosfere, duke kërcyer valle shqiptare nën ritmin e daulleve. Muzika dhe energjia e të rinjve kanë sjellë një pamje ndryshe të protestës, ku krahas thirrjeve dhe mesazheve të tyre, nuk kanë munguar as momentet e solidaritetit dhe entuziazmit.
Në ditën e gjashtë, protesta vijon me forma të ndryshme shprehjeje, ndërsa të rinjtë duket se kanë zgjedhur edhe traditën dhe kulturën shqiptare për të përcjellë mesazhin e tyre. Rruga e Durrësit është kthyer kështu në skenën e një momenti të veçantë, ku protesta dhe vallet tradicionale janë ndërthurur në të njëjtën hapësirë.
