Një 50-vjeçar, me profesion taksist, është plagosur me thikë në pjesën e barkut nga një 65-vjeçar.
Ngjarja raportohet të ketë ndodhur në rrethrrotullimin e Shëngjinit ndërsa i plagosuri është dërguar në spital për ndihmë mjekësore dhe ndodhet jashtë rrezikut për jetën.
“Rreth orës 13:08, është marrë njoftim nga shtetasi A. M., 50 vjeç, banues në Lezhë, me profesion taksist, se në rrethrrotullimin e Shëngjinit është goditur me mjet prerës (thikë) në bark nga shtetasi N. N., 65 vjeç. 50-vjeçari është transportuar në spital për ndihmë mjekësore dhe ndodhet jashtë rrezikut për jetën”, njofton policia.
Ndërkohë policia njofton se autori dyshohet se vuan nga probleme të shëndetit mendor dhe se është shpallur në kërkim.
Grupi hetimor po punon për sqarimin e plotë të rrethanave dhe të motivit të ngjarjes, si dhe për kapjen e autorit të dyshuar.
