Taulant Balla poston foton nga brenda selisë së PS-së: Sali, largoji urgjent njerëzit

Kreu i grupit parlamentar të Partisë Socialiste, Taulant Balla, ka reaguar ashpër për protestën e zhvilluar pranë selisë së Partisë Socialiste, duke akuzuar organizatorët se pas saj qëndrojnë persona të paguar dhe ndikime të huaja.

Në një mesazh të publikuar, Balla i drejtohet Sali Berishës, duke pretenduar se personat e përfshirë në protestë janë të financuar prej tij, si edhe nga Agron Shehaj dhe Arlind Qorri.

“O Sali Largoji urgjent njerëzit që çove tek selia e Partisë Socialiste! Janë të gjithë njerëzit e tu të paguar nga ti dhe nga Agron Shehaj, Arlind Qorrri dhe duart e huaja. Kush donte prova e kujt është protesta besoj e morët”, shkruan Balla.