Nuk ndalen studentët dhe nxënësit nga dhuna policore. Pas përleshjeve në Rrugën e Durrësit dhe sheshin “Skënderbej”, të rinjtë janë grumbulluar para Kryeministrisë.

Policia e Shtetit ka nisur të gjuajë me plumba gome, ujë dhe gaz lotsjellës ndaj tyre, ndërkohë forcat RENEA kanë hipur të armatosura mbi tarracën e Kryeministrisë.

Përfshirja e forcave RENEA për të shtypur protestat, aq më tepër kur në to marrin pjesë fëmijë, gra dhe të moshuar, është e jashtëligjshme. Bulevardi “Dëshmorët e Kombit” është rikthyer kështu në skenë lufte në ditën e gjashtë të revoltës studentore.