Balla: B*mbë molotov mbi trupat e Policisë, efektivët po mbrojnë Shqipërinë nga kaosi

Pamjet e një përplasjeje mes protestuesve dhe policisë, janë publikuar edhe nga kreu i grupit parlamentar të PS-së, Taulant Balla. Në video shihet se autobotët janë vendosur në vijën e parë për të shpërndarë protestuesit, ndërsa forcat e policisë qëndrojnë në rreshtin e dytë, pas tyre. Turma përballë lëviz në sinkron dhe zmbrapset si pasojë e ujit por nuk resht sulmet me gurë. Përmes këtyre pamjeve, Balla ka mbrojtur veprimet e forcave të rendit, duke deklaruar se policia po përpiqet të mbrojë vendin nga kaosi. “Gjithçka po bën Policia e Shtetit është mbrojtja e Shqipërisë nga kaosi”, shkruan Balla.