Pamje shqetësuese janë regjistruar pasditen e sotme në Sheshin “Skënderbej”, ku një protestues i gjakosur shihet teksa tërhiqet zvarrë nga efektivët e policisë.
Ngjarja vjen pas disa orësh përplasjesh mes protestuesve dhe forcave të rendit, ndërsa zona përreth sheshit është kthyer në një nga pikat më të tensionuara të protestës.
Pamjet ngrenë pikëpyetje mbi mënyrën se si po trajtohen personat e lënduar gjatë ndërhyrjeve policore, veçanërisht në momentet kur ata kanë nevojë për ndihmë mjekësore.
Ndërkohë, sipas raportimeve nga terreni, ambulancat nuk kanë mbërritur gjithmonë në kohë, pavarësisht se përplasjet kanë vijuar për disa orë.
