Situata në kryeqytet vijon të jetë e tensionuar, ndërsa përplasjet mes protestuesve dhe Policisë së Shtetit janë shtrirë në disa pika të Tiranës.
Sipas raportimeve nga terreni, efektivë të policisë kanë hedhur gurë në drejtim të gazetarëve që po ndiqnin nga afër zhvillimet e protestës dhe po informonin publikun mbi situatën.
Nga ana tjetër, protestuesit kanë përdorur shkopinj kundër efektivëve, duke shtuar tensionet mes dy palëve.
Në këto kushte, vëmendja është përqendruar te bulevardi “Dëshmorët e Kombit”, ku protestuesit po synojnë të mbërrijnë, ndërsa situata në kryeqytet mbetet e paqëndrueshme.
