Pamje të rënda janë regjistruar gjatë protestës në Tiranë, ku një efektiv policie godet me bombul gazi në kokë një të ri që po protestonte paqësisht në mes të rrugës.

Në videon ekskluzive për SYRI-n, dallohet që pas goditjes, studenti rrëzohet përtokë dhe zvarritet i pavetëdijshëm për të shpëtuar nga dhuna derisa ngelet në rrugë duke mos u mundur më të lëvizë, në një moment tronditës të dokumentuar nga kamerat.

Ngjarja vjen në ditën e gjashtë të Revoltës Studentore, ndërsa përplasjet mes protestuesve dhe policisë vijojnë në rrugët e kryeqytetit.

Pamjet skandaloze dokumentojnë dhunën barbare të efektivëve ndaj të rinjve në protestë.