Një banderolë me mesazhin “Me studentët për Shqipërinë” nuk është lejuar të hapet në stadium gjatë ndeshjes Egnatia-Vllaznia.

Përballë kësaj situate, tifozët kanë gjetur një mënyrë alternative për ta përcjellë mesazhin e tyre.

Banderola është shpalosur në tarracën e një pallati pranë stadiumit, duke tërhequr vëmendjen edhe jashtë impiantit sportiv.

Kështu, mesazhi që nuk u shfaq në tribunat e stadiumit u ekspozua nga një pozicion i dukshëm pranë tij, me mesazhin e qartë të mbështetjes së protestës studentore.