- KOMISIONI EVROPIAN — qeveria e BASHKIMIT EVROPIAN — dënoi pak më parë me forcë dhunën dhe zjarrvënien, shkatërrimin e institucioneve publike dhe të pronës private në Tiranë dhe apeloi për dialog;
- KOMUNITETI MYSLIMAN I SHQIPËRISË dënoi po ashtu dhunën dhe apeloi për dialog që zgjidh probleme dhe rikthen paqen e mirësinë mes njerëzve; KËSHILLI NDËRFETAR I SHQIPËRISË, një ditë më parë, dënoi me forcë dhunën dhe apeloi gjithashtu për dialog;
- PARLAMENTI E QEVERIA E NXËNËSVE sot dënuan dhunën dhe apeluan të dëgjohet zëri i tyre për shqetësimet e tyre të tashme, por edhe të studentëve, statusin e të cilëve do ta kenë shpejt; kërkuan dialog dhe zgjidhje;
- SHTETET E BASHKUARA TË AMERIKËS, dje — për herë të dytë në pak ditë — dënuan ashpër dhunën dhe kërkuan dialog konstruktiv mes palëve.
Pra, SHOQËRIA këtu, në këtë vend, por edhe PARTNERËT TANË MË TË MËDHENJ NDËRKOMBËTARË, po e refuzojnë dhunën, po e izolojnë dhunën; NUK E PRANOJNË SI ALTERNATIVË E SI ZGJIDHJE — të gjithë po e thonë shumë qartë.
Nuk ka kauzë apo projekt partiak që LEGJITIMON DHUNËN!
Bota ka zgjedhur rrugë tjetër, garanton doemos lirinë e shprehjes e të protestës, POR PAQËSISHT, ndërkohë që KOMUNIKON, DIALOGON DHE ZGJIDH — kjo është rruga.
KOMISIONI EVROPIAN vinte sot theksin në vendosmërinë që vendi ka dhe PËRPARIMIN E RËNDËSISHËM që Shqipëria po bën drejt anëtarësimit në BE — ky është projekti politik kombëtar dhe i EVROPËS për SHQIPËRINË; rrugë tjetër nuk ka.
DHUNA SJELL FRIKË DHE FRIKA NUK DUHET TË JETË E ARDHMJA; SHPRESA ËSHTË E ARDHMJA QË KA SHTYRË PËRPARA POPUJT, EDHE NE!