Romeo Beckham dhe e dashura e tij, Kim Turnbull, kanë festuar dyvjetorin e lidhjes së tyre duke ndarë me ndjekësit një seri fotografish romantike dhe personale nga momentet e kaluara së bashku.
Djali i David dhe Victoria Beckham publikoi një dedikim për partneren e tij, duke shkruar:
Dy vite dashuri me ty. Të dua shumë, Kimmy T.
Edhe Kim ndau fotografi nga aventura të ndryshme të çiftit, duke e cilësuar Romeon si të pazëvendësueshëm.
Mes imazheve të publikuara, spikatën disa momente nga pushimet e çiftit në jahtin luksoz të familjes Beckham, Seven. Në njërën prej fotografive, Romeo dhe Kim shfaqen para pasqyrës, ndërsa në të tjera përqafohen, shkëmbejnë puthje dhe shijojnë momente relaksi së bashku.
Albumi përfshin gjithashtu fotografi më të thjeshta nga jeta e tyre e përditshme, duke u dhënë ndjekësve një pamje më personale të marrëdhënies. Në disa prej tyre shfaqet edhe qeni i Kim-it, bulldogu francez Biggie.
Postimet e çiftit morën vëmendjen edhe të familjes Beckham. Victoria Beckham reagoi ndaj dedikimit të të birit me katër zemra të kuqe, duke treguar mbështetjen e saj për çiftin.
Romeo, 24 vjeç, është një nga katër fëmijët e David dhe Victoria Beckham, ndërsa Kim Turnbull është modele dhe DJ. Marrëdhënia e tyre është ndjekur nga afër nga mediat rozë, veçanërisht pas ndarjes së përkohshme në vitin 2025.
Romeo dhe Kim u lidhën publikisht në fund të vitit 2024, por në qershor të vitit 2025 u raportua se kishin ndarë rrugët pas rreth shtatë muajsh lidhje.
Megjithatë, muaj më vonë, ata u shfaqën sërish së bashku, duke rikthyer spekulimet për pajtimin e tyre. Paraqitjet e përbashkëta dhe fotografitë e publikuara në rrjetet sociale treguan se marrëdhënia kishte rifilluar.
Festimi i dyvjetorit vjen si një tjetër shenjë e afrimitetit mes tyre, ndërsa fotografitë e fundit kanë tërhequr vëmendjen e fansave të familjes Beckham dhe të mediave ndërkombëtare.
