Ish-deputeti, Lefter Maliqi, ka reaguar në lidhje me deklaratat e Edi Ramës, për shpërblimin 2500 euro të ofruar ndaj policëve.
Në një postim në rrjete sociale, Maliqi thotë se Edi Rama po keqpërdor Policinë e Shtetit për të përballuar protestat e të rinjve, studentëve dhe gjimnazistëve.
Ai e cilëson këtë veprim si përpjekje për të nxitur efektivët të vijojnë përplasjet me qytetarët, ndërsa u ka bërë thirrje këtyre të fundit të ruajnë qetësinë dhe të mos rrezikojnë jetën e tyre për atë që ai e cilëson si interesin politik të kryeministrit.
“E tmerrshme! Diktatori Rama u thotë policëve se do t’u japë 2.500 euro shpërblim për dhunën, pra 2 milionë lekë! Prandaj, godisni, dhunoni, arrestoni dhe gjakosni rininë, studentët e gjimnazistët, se po ju blej, po ju shpërblej me lekë!
Rama i çon policët e shtetit si mish për top!
Të dashur policë, mos lejoni të keqpërdoreni! Mos rrezikoni jetën tuaj dhe të popullit për karrigen e krimit të Ramës, i cili është peng i krimit dhe ka frikë nga burgu!
Hiqni kapelet, ruani qetësinë dhe mbështesni protestuesit! Ata protestojnë edhe për pagat dhe kushtet tuaja!
Rama dhe Demo e qeveria janë pjesë e korrupsionit dhe krimit!
Rroftë rinia! Rroftë populli shqiptar! Respekt për policët e ndershëm! Poshtë narkoshteti!”,- shkruan Maliqi në fb.
