Bombë në tarracën e MCN TV, policia në vendngjarje

Një situatë alarmante është raportuar në ambientet e MCN TV, ku dyshohet se në tarracën e televizionit ndodhet një bombë.

Sipas informacionit paraprak, policia ka mbërritur në vendngjarje dhe pritet të kryejë verifikimet përkatëse për të përcaktuar natyrën e objektit dhe nëse ekziston rrezik për sigurinë.

Deri në këto momente nuk ka informacion të konfirmuar për rrethanat e ngjarjes apo për praninë e një lënde shpërthyese. Pritet reagimi zyrtar i autoriteteve për të sqaruar situatën.

Publik.al do të ndjekë zhvillimet dhe do të informojë për çdo detaj të ri të konfirmuar.