Mbrëmja e kësaj të hëne në Tiranë u pa me terror në rrugicat e Kryeqytetit. Janë riaktivizuar tensionet dhe përplasjet në protestë, aty ku për disa orë kishte rënë qetësia, por në marshimin e tyre nga Kryeministria për në Bulevardin ”Dëshmorët e Kombit”, papritur u hodh gaz lotsjellës nga tarraca e Ministrisë së Brendshme. Më pas një pjesë marshoi në ”Rrugën e Dibrës”, ku protestuesit kanë djegur kazanë të mbetjeve. Sakaq në zonën e Medresesë, efektivët e Policisë po kalojnë në çdo rrugicë, këmba-këmbës për të shpërndarë dhe shoqëruar protestuesit.
Qeveria ”Rama 4”, po punon për sanksionet e reja në lidhje me protestën. Personat e identifikuar si autorë të akteve të dhunës gjatë protestave, mund të përballen me masa shtesë, përveç ndjekjes penale. Paketa e sanksioneve e paralajmëruar nga kryeministri Edi Rama pritet të përfshijë edhe kufizime për lëvizjen e tyre jashtë vendit. Një prej masave të parashikuara është përfshirja e personave të identifikuar në një “listë të zezë” në sistemin TIMS.
Masa synon t’u ndalojë këtyre personave hyrjen në vendet e BE-së, duke zgjeruar pasojat për ata që identifikohen si përgjegjës për dhunën gjatë protestave. Nisma lidhet me paketën e paralajmëruar nga Rama këtë të hënë, ndërsa grupi i punës po merret me përgatitjen e masave që synojnë të trajtojnë rastet e dhunës.
Ora 20:20. Pas shoqërimeve masive nëpër rrugët e Tiranës, dhe terrorit të shkaktuar këtë mbrëmje, efektivët janë parë në ambientet e jashtme të ”Operas” në sheshin ”Skënderbej” në Tiranë kanë tentuar të shoqërojnë një të mitur, por nuk ia kanë dalë. Ishin disa qytetarë, kryesisht gra, që nuk lejuan efektivët që të shoqëronin të miturin. Njëra prej grave i bërtet efektivit dhe i bën thirrje që të largohet.
Ora 19: 50. Arrestimet me forcë dhe ndërhyrjet e policisë në rrugët e kryeqytetit kanë shkaktuar reagimin e ashpër të kreut të grupit parlamentar të PD-së, Gazment Bardhi. Pas pamjeve të publikuara, ku shfaqen efektivë policie duke ushtruar dhunë dhe duke shoqëruar të rinj në rrugë, Bardhi ka drejtuar akuza të forta ndaj drejtuesve të policisë dhe personave që, sipas tij, kanë urdhëruar ndërhyrjen.
Ora 19:33. Një skenë e rëndë është regjistruar pranë Kishës Ortodokse, gjatë përleshjeve mes protestuesve dhe policisë. Shtatë efektivë kanë rrethuar një protestues, e kanë dhunuar me shkopa gome dhe e kanë shtrirë në tokë. Vijon reprezalja policore, që ndjekin protestuesit nëpër rrugët e kryeqytetit.
Ora 18:45. Një pjesë e protestuesëve po kalojnë në ”Rrugën e Dibrës”, ku po digjen koshat e mbetjeve. Një tjetër grup ndodhet te Bulevardi ”Dëshmorët e Kombit”. Protestuesit qëndronin të ndarë në dy grupe, njëri pranë Kryeministrisë dhe tjetri te Parku Rinia. Pas mbërritjes së të rinjve të maskuar, të cilët u vendosën në krye të protestës, turma u zhvendos drejt Kryeministrisë për t’u bashkuar me grupin tjetër. Protestuesit u kanë vënë flakën kazanëve të mbeturinave në zonën e Piacës, në një përpjekje për të ngadalësuar lëvizjen e forcave të policisë. Situata në terren mbetet e tensionuar, ndërsa akti i djegies së kazanëve ka shtuar shqetësimet për përshkallëzimin e situatës dhe përplasjet e mundshme mes protestuesve dhe efektivëve të rendit.
Lexoni edhe:
Trazira te ”Opera”/ Efektivi kërkon të shoqërojë të miturin, disa gra e ndalojnë
PD: Migena Laska ka urdhëruar të mos u jepet avokatëve lista e protestuesve të arrestuar
VIDEO/ Arrestime masive në Tiranë, PD: Kë po dhunoni si kafshë, more të paburrë?
Denoncimi nga rinia: Policët ushtruan dhunë, ndaluan së qëlluari sapo erdhën mediat
Rama foli për sanksione/ Dhunuesit do të futen në ”listë të zezë”, rrezikojnë hyrjen në BE
Peticion për largimin e Ramës dhe ministrit të Brendshëm, prindërit kërkojnë qeveri tranzicioni
Protesta e së dielës, 68 të arrestuar dhe 22 të proceduar. Policia: Janë lënduar 20 efektivë
Flakët te Gjykata e Apelit, vihen në pranga 5 persona. Mes tyre dhe një i mitur
Dy makina ujëhedhëse mbërrijnë në Rinas, PD: Rama po përgatitet të godasë protestuesit
Polici shpërndan ujë, Taulant Balla poston video-n: E kanë hak rritjen e pagës
Pas 7 ditësh luftë, situatë e qetë dhe e paqtë te Kryeministria
Ndalohet 15-vjeçari, tentoi të vidhte në një bankomat gjatë protestës
Nga Stefan Çapaliku te Fatos Tarifa, 735 pedagogë apel Ramës: Studentët janë liderët tanë në shesh
VIDEO/ Tensione te Parku Rinia, qytetari reagon ashpër ndaj policisë: Diçka ka për të ndodhur
