Agjencia për Media dhe Informim (MIA) ka reaguar pas publikimit në rrjetet sociale të videove ku shfaqen mjete ushtarake duke lëvizur në rrugët e një qyteti, duke sqaruar se pamjet nuk i përkasin Shqipërisë.
Përmes një postimi, MIA u ka bërë thirrje qytetarëve të tregojnë kujdes me përmbajtjet që hasin në internet dhe të mos i besojnë apo shpërndajnë ato pa verifikuar më parë vërtetësinë.
“Ju lutemi, tregoni kujdes me informacionet dhe videot që hasni online. Mos i besoni dhe mos i shpërndani pa verifikuar më parë vërtetësinë e tyre”, thuhet në reagimin e agjencisë.
MIA thekson se përgjegjësia për të frenuar përhapjen e informacionit të rremë është e përbashkët dhe nis nga secili përdorues i rrjeteve sociale.
“Përgjegjësia për të ndalur përhapjen e informacionit të rremë nis nga secili prej nesh”, përfundon reagimi.
#MIA #Shqipëri #InformacioniIRremë #RrjetetSociale #Verifikimi