Demokratët Europianë kanë reaguar sërish mbi dhunën barbare që po ushtron policia me urdhër të Edi Ramës mbi qindra gjimnazistë e studentë shqiptarë prej 7 ditësh tashmë.
Ata theksojnë se Edi Rama ka gjetur një mënyrë të re për të heshtur të rinjtë e Shqipërisë: kërcënimin e të drejtës së tyre për arsim.
Rama ka kërcënuar hapur studentët e përfshirë në protesta me humbje bursash, mbështetje financiare dhe arsim falas. Demokratët Europianë e quajnë këtë: shantazh politik.
PDE / EDP theksojnë se “bursat nuk janë armë politike që duhet përdorur kundër mospajtimit”.
Demokratët Europianë kërkojnë që Edi Rama të lërë mënjanë arrogancën e tij, e cila po rrezikon rrugën natyrore të Shqipërisë drejt integrimit europian.
“Edi Rama ka gjetur një mënyrë të re për të heshtur të rinjtë e Shqipërisë: kërcënimin e të drejtës së tyre për arsim.
Pas represionit të dhunshëm që dëshmoi e gjithë bota, kryeministri ka kërcënuar hapur studentët e përfshirë në protesta me humbje bursash, mbështetje financiare dhe arsim falas.
Kemi dënuar çdo formë dhune, nga çdo anë, që nga dita e parë. Por kjo ka një emër: shantazh politik. Bursat nuk janë armë politike që duhet përdorur kundër mospajtimit.
Edi Rama duhet të lërë mënjanë arrogancën e tij, e cila po rrezikon rrugën natyrore të Shqipërisë drejt integrimit europian.”- shkruajnë Demokratët Europianë.
Të rinjtë shqiptarë po ndeshen çdo ditë me shkopa dhe plumba gome, gazlotsjellës dhe ujë me kimikate, ndërkohë Rama refuzon dorëheqjen.
Ata po dhunohen (edhe në vende të shenjta) mizorisht nga policia të cilës i është premtuar nga Rama një shpërblim prej 2500 eurosh, që me shumë mundësi nuk do e marrin pasi qeveria do të bjerë.
PAMJE nga dhuna policore ditën e sotme:
