Australia ka zbuluar tri pajisje sekrete që do të mund të transportohen nga droni nënujor autonom “Ghost Shark”, përfshirë mina detare, depo logjistike dhe dronë ajrorë të aftë për të kryer sulme.
Ministri australian i Industrisë së Mbrojtjes, Pat Conroy, deklaroi se këto kapacitete të reja do të zgjerojnë funksionet operacionale të dronit dhe do të forcojnë aftësitë e Australisë në luftën nënujore.
“Ghost Shark” do të mund të vendosë mina detare dhe të transportojë depo logjistike me pajisje të zhvilluara nga Grupi i Shkencës dhe Teknologjisë së Mbrojtjes së Australisë.
- YouTube www.youtube.com
Raportohet se ato synojnë të mbështesin operacionet e mundshme të forcave speciale.
Ai do të jetë gjithashtu në gjendje të lëshojë dronë ajrorë pa pilot të tipit Altius, të cilët mund të përdoren për mbledhjen e informacionit, mbikëqyrje, zbulim dhe kryerjen e sulmeve. /Telegrafi/
