Pas shtatë ditësh protestash të dhunshme, kryeministri Edi Rama ditën e sotme ka gjetur një formë të veçantë për të përsëritur thirrjen e tij për të folur. Para godinës qeveritare janë vendosur disa karrige që ngjajnë si ato që përdoren brenda institucionit.
Personalisht kryeministri Rama ka dalë nga godina e qeverisë për të vendosur mbi to mbishkrimin “dialog”.
Ky veprim simbolik vjen pas apeleve të shumta të Ramës dhe ministrave që protestuesit të dialogojnë për kërkesat e tyre.
Mirëpo përgjigjja e protestuesve ka qenë e menjëhershme. Në një letër të vendosur mbi njërën prej karrigeve, ata kanë shkruar mesazhin “Jep dorëheqjen”, duke i kërkuar largimin nga detyra kreut të qeverisë.
