Ish-zv.kryeministrja Belinda Balluku u paraqit sot në Prokurorinë e Posaçme, ku qëndroi rreth 30 minuta. Në mjediset e jashtme të SPAK-ut u konstatua prani e madhe policie.
Balluku shoqërohej nga avokati i saj, Ardian Kalia, i cili citohet të jetë shprehur:
Jemi në fazë hetimesh. Do të ketë dhe një zgjatje.
Belinda Balluku është marrë e pandehur nga SPAK-u për shkelje të barazisë në tendera te Unaza e Madhe dhe Tuneli i Llogarasë.
Po ashtu, po hetohet për korrupsion, pastrim parash dhe fshehje të pasurisë. SPAK-u i sekuestroi Ballukut dy vila, një në Dhërmi e një në Palasë, të dyshuara se ishin fshehur nën emrin e ish-futbollistit të Kombëtares, Igli Tare.
Sipas hetimeve të Prokurorisë së Posaçme, vilën super-luksoze në Palasë, Balluku e kishte marrë në formë ryshfeti për dhënien e tenderave, në kohën kur drejtonte Autoritetin Civil.
