Nis grumbullimi i studentëve para Universitetit të Politeknikut, pedagogët i bashkohen protestës

Pak para nisjes së protestës studentore, e cila pritet të nisë këtë të martë në orën 10:00, kanë nisur grumbullimet e para të studentëve jashtë ambienteve të Universitetit Politeknik.

Sipas pamjeve, krahas studentëve, në protestën e sotme janë bashkuar edhe disa pedagogë, pas njoftimit të bërë një ditë më parë nga sindikatat e punonjësve të universiteteve, të cilat kanë njoftuar për një marshim solidariteti.

Ndërkohë, vetëm pak minuta më parë, kryeministri Edi Rama është shfaqur në një video jashtë ambienteve të Kryeministrisë, ku ka vendosur letra me mbishkrimin “Dialog” mbi disa karrige, në një gjest simbolik për t’u bërë thirrje studentëve për dialog.