Pedagogë dhe studentë janë mbledhur paraditen e sotme, para Universitetit të Tiranës, aty ku kanë vendosur të mbështesin studentët.
Stafet akademike kanë dalë në mbështetje të protestës së studentëve dhe në deklaratën e tyre ata shprehen se janë kundër dhunës që është ushtruar nga policia mbi studentët gjatë këtyre ditëve.
Pedagogët nga universitete të ndryshme të Tiranës do të nisin marshimin drejt bulevardit kryesor “Dëshmorët e Kombit”.
Ende nuk dihet nëse do të ketë një ndalesë para Kryeministrisë.
