Një fanellë e Barcelonës dhe një shirit kapiteni me firmën e Lionel Messit janë marrë nga dy persona në një dyqan pranë qendrës së Parisit, në një periudhë kur qyteti po përballet me trazira.
Videot e shpërndara në rrjetet sociale shfaqin dy persona të maskuar me kapuç, të cilët pozonin para kamerës duke treguar sendet e vjedhura. Dyqani ndodhet në afërsi të Place de la Republique, ku janë regjistruar edhe raste vandalizmi.
Të lidhura
None found
Për koleksionistët, këto objekte kanë rëndësi të veçantë ekonomike dhe sentimentale. Vlera e tyre pritet të rritet ndjeshëm me kalimin e viteve.
Raportimet bëjnë të ditur se rreth 2.000 persona janë arrestuar gjatë trazirave, ndërsa protestat paralele janë zhvilluar në mënyrë paqësore dhe kanë mbledhur më shumë se gjysmë milioni pjesëmarrës.
Sendet e veshura dhe të firmosura nga Messi tregtohen për shifra shumë të larta. Tre vjet më parë, gjashtë fanella të përdorura nga ylli argjentinas gjatë triumfit të Argjentinës në Kupën e Botës 2022 në Katar u nxorën në ankand dhe u shitën për më shumë se një milion dollarë secila, duke vendosur rekord në këtë kategori.
Çmimi i fanellës dhe shiritit të kapitenit do të përcaktohet nga elemente të ndryshme, si ndeshja ku janë përdorur, paraqitja e Messit në atë takim, gjendja e sendeve dhe niveli i interesit të koleksionistëve.
Pa të dhëna të tjera, vlera e saktë e tyre mbetet e pamundur të llogaritet. Megjithatë, nëse nuk gjenden përpara se të shiten, sendet mund të arrijnë çmime prej mijëra dollarësh në tregun e zi.
