Ernest Muçi ka shijuar një mbrëmje të veçantë me fanellën e Trabzonsporit, që mposhti Beshiktashin në një përballje të rëndësishme. Për sulmuesin shqiptar, kjo fitore kishte një domethënie të veçantë, pasi përballë ishte ish-skuadra e tij.
Futbollisti kuqezi zhvilloi një paraqitje pozitive, duke ndihmuar ekipin të siguronte tri pikët, edhe pse këtë herë nuk arriti ta gjente rrugën drejt rrjetës.
Pas përfundimit të takimit, Muçi foli për mediat, duke vlerësuar rëndësinë e suksesit ndaj një rivali të fortë dhe kënaqësinë për të fituar përpara tifozëve të Trabzonsporit.
“Për ne ishte një fitore me rëndësi, sepse Beshiktashi është një rival i fortë. Jam i lumtur që arritëm të fitonim përpara tifozëve tanë”, u shpreh 25-vjeçari.
Për Muçin, triumfi merr një shije të veçantë edhe për faktin se më parë ka mbrojtur ngjyrat e Beshiktashit, përpara se të transferohej te Trabzonspori. Megjithatë, tashmë objektivi i tij është të vazhdojë të japë kontribut për skuadrën e re.
Pa kohë për të festuar gjatë, Muçi mendon për Europën. Sulmuesi shqiptar dhe shokët e tij të skuadrës duhet të përqendrohen te sfida e radhës kundër Hearts, e vlefshme për fazën e ligës të Conference League.