Në ditën e tetë të revoltës studentore, mijëra studentë dhe pedagogë kanë marshuar nga Kryeministria drejt Ministrisë së Arsimit, duke vijuar protestën kundër qeverisë së Edi Ramës.

Me thirrjet për dorëheqjen e kryeministrit dhe kërkesën që zëri i tyre të dëgjohet, protestuesit po e zhvendosin revoltën edhe përpara institucionit përgjegjës për arsimin.

Në mbërritjen e protestuesve te Ministria e Arsimit, prania e forcave të Policisë së Shtetit e përgatitur për dhunë, ka rritur shqetësimet për mundësinë e përshkallëzimit të situatës.