Shtohen tensionet! Protestuesit sulmojnë me fishekzjarrë, policia i largon me ujë nga Rruga e Durrësit

Tensionet janë përshkallëzuar në protestë, ku protestuesit kanë sulmuar me fishekzjarrë dhe gurë, ndërsa policia u ka bërë thirrje të ndalojnë sulmet dhe të shmangin dhunën.

Situata është tensionuar në Rrugën e Durrësit, ku efektivët kanë ndërhyrë duke përdorur ujë me presion për të larguar protestuesit dhe për të shpërndarë turmën.

Pavarësisht thirrjeve të policisë për ndalimin e sulmeve, përplasjet kanë vijuar, duke rritur tensionet mes protestuesve dhe forcave të rendit.

/vizionplus.tv