Aksident pranë Spitalit Memorial në Fier, përplasen dy mjete, një i plagosur

Aktualitet | 11 minuta më parë

Një aksident automobilistik është regjistruar në hyrje të bypass-it Mbrostar–Levan, pranë rrethrrotullimit të Spitalit Memorial në Fier, ku janë përplasur një betoniere dhe një automjet transporti.

Si pasojë e përplasjes, betonierja ka dalë nga rruga, ndërsa njëri prej drejtuesve të mjeteve ka mbetur i plagosur, duke pësuar frakturë në krah.

I plagosuri është transportuar me urgjencë në Spitalin Rajonal Fier, ku ka marrë ndihmën e parë mjekësore. Sipas informacionit paraprak, ai ndodhet jashtë rrezikut për jetën.

Në vendngjarje ka mbërritur Policia, e cila ka ndërhyrë për menaxhimin e trafikut, pasi aksidenti ka shkaktuar vështirësi në qarkullimin e automjeteve.

Grupi hetimor po punon për të zbardhur rrethanat dhe për të përcaktuar shkakun e aksidentit.

/rtsh.al/

aksidenti

Fieri

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.