Avokati Gjergj Nikolla ka komentuar çështjen e moshës së përgjegjësisë penale dhe masat që mund të merren ndaj të miturve të përfshirë në veprime të paligjshme gjatë protestave.
Sipas Nikollës, kufiri i moshës 14 vjeç për përgjegjësinë penale për krimet dhe 16 vjeç për kundërvajtjet penale është i pranueshëm, duke theksuar se këto kufij janë të ngjashëm me ata që zbatohen në disa vende europiane.
“Amerika ka moshën për përgjegjësi penale 6–7 vjeç. Në Shqipëri është Kodi i Procedurës Penale dhe nuk mund të vendosësh arrest me burg; për veprat në protestë, këto masa nuk legjitimohen me burg. Konventa e OKB-së rekomandon këtë moshë që ne kemi: 14 vjeç për krime, 16 vjeç për kundërvajtje, si shumë vende europiane. Ne e kemi huazuar nga Italia. Rusia e ka edhe 15 vjeç, më të lartë. Kufiri 14 vjeç është mëse i pranueshëm, pavarësisht se brezat janë më të zhvilluar”, tha ai për ABC News.
