Gjendet i vrarë me armë zjarri Ismet Habili, brenda automjetit në rrugën “Mihal Popi” në Tiranë, një rrugë në afërsi të st Selman Stërmasi, mbushur me bare dhe restorante nga më të frekuentuarat në Tiranë.
Ismet Habili është gjetur pa shenja jete brenda automjetit të tij tip “Volvo”, në rrugën “Mihal Popi”, në bllokun “1 Maji” në Tiranë. Dyshohet se ai është vrarë me armë zjarri, njofton policia e Tiranës.
Ngjarja është regjistruar mbrëmjen e sotme, më 20 tetor, rreth orës 20:20, kur në Sallën Operative të Policisë është marrë njoftimi për një automjet të aksidentuar në këtë zonë.
Pas mbërritjes në vendngjarje, shërbimet e Policisë kanë konstatuar brenda automjetit trupin e pajetë të Ismet Habilit.
Grupi hetimor, nën drejtimin e Prokurorisë, po kryen veprimet procedurale për të zbardhur rrethanat e ngjarjes dhe për të përcaktuar dinamikën e saj.a.b
Tiranë/Informacion paraprak
Më datë 20.10.2026, rreth orës 20:20, në Sallën Operative është marrë njoftim për një automjet të aksidentuar në rrugën “Mihal Popi”, në bllokun “1 Maji”.
Menjëherë pas marrjes së njoftimit, shërbimet e Policisë kanë shkuar në vendngjarje, ku kanë konstatuar brenda automjetit tip “Volvo”, shtetasin I. H., pa shenja jete, i cili dyshohet se është vrarë me armë zjarri.
Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes.
