Pedagogët dhe studentët kanë nisur marshimin nga Kryeministria drejt Ministrisë së Arsimit, në ditën e dytë të bojkotit mësimor, ku kanë kërkuar dorëheqjen e Edi Ramës.

Të bashkuar në një protestë masive, ata vijojnë qëndresën kundër qeverisë, duke kërkuar dorëheqjen e kryeministrit Edi Rama.

Revolta studentore po merr përmasa gjithnjë e më të gjera, ndërsa pedagogët janë rreshtuar në krah të të rinjve, duke refuzuar dialogun e ofruar nga qeveria dhe duke kërkuar përgjegjësi politike.

Marshimi drejt Ministrisë së Arsimit shënon një tjetër akt simbolik të protestës, e cila synon të ushtrojë presion mbi qeverinë përmes bojkotit dhe mobilizimit qytetar.