Në Gjykatën Themelore në Prishtinë po zhvillohet procesi gjyqësor ndaj Gazmend Selimit, i cili akuzohet për vrasje të rëndë në bashkëkryerje lidhur me rastin e vrasjes së 22-vjeçarit Dardan Gashi në Lipjan.
Ngjarja ndodhi më 5 gusht 2022, në një lokal në Lipjan. Të shtënat me armë zjarri i morën jetën Dardan Gashit, ndërsa dy persona të tjerë mbetën të plagosur.
Të lidhura
None found
Sipas aktakuzës, e cila u ngrit më 14 nëntor 2024, përplasja kishte nisur nga një mosmarrëveshje mes të akuzuarve, viktimës dhe të dëmtuarit J.G.
Prokuroria pretendon se Gazmend Selimi e kishte goditur fillimisht Dardan Gashin me grusht në fytyrë. Më pas, Muhamet Gashi dyshohet se kishte hapur zjarr me pistoletë në drejtim të tyre.
Një nga plumbat e kishte goditur Dardan Gashin në gjoks, duke i shkaktuar vdekjen. J.G. kishte marrë plagë të rënda në bark, ndërsa A.B. ishte lënduar lehtë në këmbë nga predha e armës së zjarrit.
