Një telefonatë për një qese të dyshimtë i çoi policët drejt një pallati në zonën e Kolonos, në Athinë, ku pak çaste më vonë ndodhi shpërthimi i një bombe që la të plagosur dy efektivë policie dhe dy qytetarë.
Pas shpërthimit të çantës së dyshimtë në zonën në Akademinë e Platonit në Athinë, një tjetër çantë e dyshimtë është gjetur në Pire.
Një ekip nga Departamenti i Asgjësimit të Municioneve Shpërthyese (TEEM) mbërriti në vendngjarje për të kontrolluar valixhen e braktisur.
Zona u rrethua menjëherë, pasi forcat e sigurisë janë në gatishmëri të përgjithshme pas shpërthimit të mëparshëm me bombë në një pallat apartamentesh në Akademinë Platonos.
Siç njoftoi Policia Helenike, trafiku i automjeteve është pezulluar në kryqëzimin e rrugëve Iroon Polytechniou dhe Karaoli & Dimitriou. Trafiku u pezullua më pas edhe në Rrugën Tsmaadou nga niveli i Rrugës Notara deri në nivelin e Rrugës Karaiskou.
Policia e trafikut është vendosur në vendngjarje, duke i devijuar makinat që kalonin në rrugët ngjitur, duke shkaktuar trafik të rëndë.
