Trajneri i Juventusit, Luciano Spalletti, konfirmoi se Randal Kolo Muani dhe Nick Woltemade do ta nisin si titullarë ndeshjen e “Europa League” kundër Rennes: “Pse Juventusi detyrohet shpesh të përmbysë rezultatet? Nuk ka një arsye specifike. Çdo ndeshje ka historinë e vet. Duhet të dimë kur të ushtrojmë presion dhe kur të presim, si dhe të jemi më të vendosur në zgjedhjet tona.

A është ende skuadra në anën time? Ndjej se po. Në mbledhjen e fundit i lashë lojtarët të flisnin më shumë, për të kuptuar si t’i ndihmoj të ruajnë nivelin gjatë ndeshjeve. Gjithçka varet nga unë, sepse zgjedh formacionin dhe taktikat. Gjithsesi, lojtarët duhet të kuptojnë kur presioni mund të mbështetet nga shokët dhe kur rrezikojnë të lënë hapësira.

Kërkoj më shumë arsyetim, më pak impulsivitet dhe individualizëm, më shumë unitet si skuadër. Rennes luan drejtpërdrejt, me kalime të shpejta nga mbrojtja në sulm. Sulmuesi Lepaul ka treguar se është një futbollist shumë i mirë. Rennes është e gjashta në kampionat, vetëm një pikë larg kreut. Ka entuziazëm dhe për ne është një provë e rëndësishme për të kuptuar çfarë duhet të korrigjojmë dhe çfarë të përforcojmë nga ndeshja e kaluar”.