Interi i Cristian Chivu e ka nisur sezonin me rezultate pozitive, duke reaguar pas zhgënjimeve në Champions League. Tani, drejtuesit zikaltër duhet të mendojnë edhe për të ardhmen e skuadrës, me disa rinovime të rëndësishme në tryezë.
Humbja ndaj Brugge në shtëpi ishte një goditje e rëndë për Interin, ndërsa disfata në Madrid ishte më e kuptueshme. Megjithatë, skuadra reagoi në ndeshjet kundër Bologna-s dhe Shakhtar-it, ku spikatën Marcus Thuram dhe Carlos Augusto.
Sulmuesi francez shënoi një gol vendimtar ndaj Bologna-s, ndërsa braziliani kontribuoi me një asist dhe gol në fitoren 3-1, përpara se të realizonte edhe golin e fitores ndaj ukrainasve, pavarësisht inferioritetit numerik.
Të dy lojtarët kanë më pak se dy vite kontratë dhe pritet të jenë ndër prioritetet e drejtorit sportiv Dario Baccin. Interi duhet të trajtojë gjithashtu rinovimet e Alessandro Bastonit, Federico Dimarcos, Manuel Akanjit, Benjamin Pavard dhe Piotr Zielinskit.
Për Carlos Auguston, një kontratë e re mund të sjellë edhe rritje page dhe më shumë përgjegjësi në skuadër, ndërsa Thuram konsiderohet titullar i padiskutueshëm.
Çështja më urgjente mbetet Hakan Calhanoglu, kontrata e të cilit përfundon në qershorin e ardhshëm. Interi duhet të vendosë nëse do t’i ofrojë rinovim me kushte financiare të rishikuara apo do ta lejojë të largohet pa pagesë.