Talenti adoleshent i Barcelona-s, Xavi Espart, ka ndezur atmosferën para ndeshjes së shumëpritur të së dielës, “El Clásico”, duke premtuar se gjigantët katalanas janë gati për një përballje fizike kundër Real Madridit.
Pavarësisht zhgënjimit nga një humbje e fundit në Champions League, lojtari i ri dhe i gjithanshëm është i vendosur që skuadra e tij të japë gjithçka në fushën e “Camp Nou”-t.
Duke folur për “TNT Sports” pas ndeshjes, adoleshenti foli për periudhën intensive të integrimit të tij në ekipin e parë. Goli i shënuar në kryeqytetin francez e çon në dy numrin e golave të tij me ekipin e parë, duke forcuar më tej ndikimin e tij në rritje nën drejtimin e trajnerit Hansi Flick.
Tani, vëmendja e tij është kthyer menjëherë te angazhimet në kampionat. Të dielën, Barcelona përballet me Real Madridin në një duel vendimtar të La Liga-s, dhe Espart është plotësisht i vetëdijshëm për rëndësinë e madhe të kësaj ndeshjeje në garën për titull.
Së fundmi, Flick ka bërë një krahasim mes Espartit dhe ikonës gjermane Philipp Lahm, duke vënë në dukje fleksibilitetin taktik dhe inteligjencën e lojtarit të ri. Edhe pse e vlerëson lëvdatën nga trajneri i tij, adoleshenti mbetet i vendosur për të krijuar trashëgiminë e tij unike në Katalonjë.
“Është nder të krahasohem me Philipp Lahm-in, por unë përpiqem të ndërtoj rrugëtimin tim në karrierë,” shpjegoi Espart. “Ai është një lojtar legjendar; më gëzon fakti që Flick më krahason me të”.
Duke folur më gjerë për flskibilitetin e tij në fushë, ai theksoi: “Mund të luaj si mbrojtës i majtë, mbrojtës i djathtë, si dhe në mesfushë. Jam një mbrojtës anësor që priret të futet drejt qendrës”.
“Në varësi të ndeshjes, mund të luaj në të majtë, në të djathtë ose më në qendër. Jam një mbrojtës anësor që ka prirjen të zhvendoset drejt brendësisë së fushës.”
“Sigurisht që më pëlqen të më krahasojnë me të, sepse ai është një lojtar legjendar, dhe më vjen shumë mirë që Flick e thotë këtë”.
Duke parë përpara drejt përballjes në “Camp Nou”, Espart dha një paralajmërim të fortë për Real Madridin: “Do të jetë një luftë. Do të japim gjithçka; duhet të angazhohemi 100 për qind dhe kemi mundësinë t’u marrim pikë të tjera. Do të luftojmë deri në fund”.
“El Clásico” e së dielës i ofron Barcelonës një mundësi thelbësore për të forcuar pozitat e saj në garën për titullin e La Liga-s. Marrja e pikëve ndaj Real Madridit, në fushën e tyre, do të shërbente si një nxitje e madhe për moralin e ekipit pas humbjes ndaj PSG-së.
