Parashikimi i motit për sot, reshje shiu në orët e para të ditës

Aktualitet | 1 minutë më parë

Moti në vendin tonë do të ndikohet sot nga masa ajrore relativisht të paqëndrueshme, duke sjellë vranësira dhe reshje të dobëta shiu në orët e para të ditës.

Sipas parashikimit, moti do të jetë kryesisht me vranësira, të cilat pas orëve të mëngjesit do të vijnë gradualisht duke u pakësuar. Reshjet e shiut me intensitet të ulët pritet të jenë të pranishme që në orët e para të 24-orëshit deri në mëngjes, në pjesën më të madhe të territorit. Pas mëngjesit, reshjet do të ndërpriten në të gjithë vendin.

Era do të fryjë nga veriperëndimi, me shpejtësi mesatare rreth 8 m/s. Ndërkohë, në det pritet valëzim i ulët, i forcës 1–2 ballë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.