Pedagogët kanë njoftuar një tjetër protestë ditën e sotme në mbështetje të studentëve, të cilët vijojnë të kërkojnë dorëheqjen e kryeministrit Edi Rama.
Protesta pritet të nisë përpara Universitetit Politeknik të Tiranës, ku një numër pedagogësh do të mblidhen për të shprehur solidaritetin me të rinjtë dhe për të mbështetur kërkesat e tyre.
Pedagogët kanë dënuar gjithashtu atë që e cilësojnë si dhunë policore ndaj studentëve gjatë ditëve të fundit të protestave, duke shprehur shqetësimin për mënyrën se si është menaxhuar situata nga autoritetet.
Në mbështetje të studentëve, pedagogët kanë ndërmarrë edhe një nismë përmes një peticioni, ku kërkohet që zëri dhe kërkesat e të rinjve të dëgjohen.
Edhe Sindikata e Pedagogëve ka reaguar më herët për zhvillimet gjatë protestave studentore, duke shprehur shqetësimin për situatën dhe duke dënuar dhunën e pretenduar ndaj protestuesve.
Protesta e sotme vjen në vijim të mobilizimit të pedagogëve në mbështetje të studentëve, ndërsa kërkesat e të rinjve dhe reagimet ndaj veprimeve të policisë vijojnë të jenë në qendër të debatit publik.
