PS kërkon përjashtimin e 20 deputetëve demokratë nga Kuvendi, mblidhet sot Sekretariati i Etikës

Sekretariati i Etikës në Kuvend do të mblidhet sot në orën 10:00, në një mbledhje online, për të shqyrtuar kërkesën e një grupi deputetësh të Partisë Socialiste për përjashtimin e 20 deputetëve demokratë nga punimet parlamentare.

Kërkesa vjen pas tensioneve dhe kaosit të regjistruar në seancën e djeshme plenare, ku deputetët e opozitës bllokuan foltoren dhe pati përplasje me deputetët socialistë.

Sipas kërkesës së depozituar, për gjashtë deputetë të Partisë Demokratike është kërkuar përjashtimi me 60 ditë nga punimet e Kuvendit, ndërsa për 14 deputetë të tjerë është kërkuar masa e përjashtimit me 10 ditë.

konkretisht është kërkuar përjashtimi me 2 muaj për Flamur Nokën, Belind Këlliçin, Fidel Krekën, Luçiano Boçin, Edi Palokën e Besart Xhaferrin.

Ndërsa për 14 deputetë të tjerë, Gjin Gjoni, Bardh Spahia, Albana Vokshi, Elda Hoti, Xhelal Mziu, Gent Strazimiri, Enno Bozdo, Kastriot Piroli, Kliti Hoti, Flamur Hoxha, Arjan Ndoja, lvi Kaso, Zija Ismaili, Blendi Himçi, kërkohet 10 ditë përjashtim.