Proteinat janë të njohura për rolin e tyre në ndërtimin e muskujve, por rëndësia e tyre shkon shumë më tej. Ato ndihmojnë edhe në ruajtjen e strukturës së kockave dhe të forcës muskulore, dy elemente të rëndësishme për uljen e rrezikut të rrëzimeve dhe frakturave.
Sipas ekspertëve të cituar nga “The Indian Express”, ekziston shqetësimi se një konsum i lartë proteinash mund të rrisë sasinë e kalciumit që eliminohet përmes urinës. Megjithatë, kjo nuk do të thotë automatikisht se kockat po humbasin kalcium ose po dobësohen.
Shëndeti i kockave varet nga një kombinim faktorësh, përfshirë marrjen e mjaftueshme të proteinave, kalciumit dhe vitaminës D, si dhe aktivitetin fizik.
Një nga rolet më të rëndësishme të vitaminës D është mirëmbajtja e përqendrimit në serum të kalciumit dhe fosforit, nëpërmjet absorbimit/shfrytëzimit të rregullt të tyre. Me këtë sigurohet mineralizim normal i kockave, dhe rritje dhe zhvillim të indit kockor. Mungesa e vitaminës D e ndryshon metabolizmin e këtyre mineraleve, që shkakton dendësi të ulët minerale të kockave dhe e zmadhon rrezikun e humbjes së masës kockore ose rrezikun për thyerje.
USHQIM I PASUR ME VITAMINË D
– Vaj peshku dhe peshq të yndyrshëm (salmon, ton, sardele, harengë, skumbri, troftë, dhe peshq të tjerë të yndyrshëm)
– Qumësht dhe produkte qumështi (gjalpë, salcë kosi, kaçkavall, djathtë, jogurt etj.)
– E verdha e vezës
– Mëlçi
– Kërpudha (shiitake, agaricus, chanterelle)
Të vetëdijshëm për rolin e vitaminës D në organizmin tonë dhe për rëndësinë e saj në procese të shumta, e një rëndësie të veçantë janë kontrollet e rregullta për nivelin e vitaminës D.
Ekspertët theksojnë se çelësi nuk është eliminimi i proteinave nga dieta, por një ushqyerje e ekuilibruar dhe e përshtatur sipas nevojave të secilit person.