Kylie Jenner mori pjesë në sfilatën e Victoria Secret me datë 18 tetor duke tërhequr kështu vëmendjen me paraqitjen e saj elegante. Sipas raportimeve Jenner fitoi rreth 5 milionë dollarë vetëm për disa minuta në pistë.
Vëmendje të veçantë mori fakti që ajo mbante veshur sytjenën Fantasy, vlera e së cilës vlerësohet në 50 milionë dollarë.
Kylie u bë engjëlli i parë jo-anëtar i Victoria’s Secret që veshi reçipetat Fantasy. Përpara saj, reçipetat ishin veshur nga disa nga modelet më të famshme të lidhura me markën, duke përfshirë Gisele Bündchen, Heidi Klum, Tyra Banks, Adriana Lima dhe Alessandra Ambrosio.
Sytjena Fantasy u krijua në bashkëpunim me shtëpinë e bizhuterive Jacob & Co. Është zbukuruar me 4,410 diamante natyrale, përfshirë një diamant të verdhë 75.54 karatësh. U deshën më shumë se 1,000 orë punë nga 15 persona për ta prodhuar atë dhe vlera e saj e vlerësuar është 50 milionë dollarë.
Sipas burimeve të raportuara nga disa media, Jenner dyshohet se ka marrë rreth pesë milionë dollarë për paraqitjen e saj të shkurtër në pistë. Nëse ky informacion është i saktë, honorari i saj do të tejkalonte shumat e marra nga disa prej emrave më të mëdhenj në botën e modelingut.
Ky pretendim ka shkaktuar reagime të mëtejshme në qarqet e modës. Adrianne Curry, fituesja e sezonit të parë të “America’s Next Top Model”, e ka kritikuar publikisht vendimin që Jenner të veshë reçipetat Fantasy.
“Nuk kam asgjë kundër Kylie Jenner, por ti nuk je modele”, tha Curry në një transmetim të drejtpërdrejtë. Ajo vuri në dyshim pse Jenner mori një nga veshjet më të famshme në historinë e Victoria’s Secret.
Curry beson se Fantasy Bra tradicionalisht është rezervuar për modelet më të spikatura të markës. Në komentet e saj, ajo kritikoi gjithashtu faktin se Victoria’s Secret është mbështetur gjithnjë e më shumë te personazhet e famshëm dhe ndikimi i tyre në mediat sociale vitet e fundit.