Lindja e Mesme në gjak! Masakër në kishë, 10 të vrarë, dy ushtarë izraelitë të vdekur nga shkëmbimi i zjarrit

Një valë e re dhune ka tronditur Lindjen e Mesme, ku dy ngjarje të rënda kanë shkaktuar viktima dhe kanë rritur shqetësimet për sigurinë në rajon.

Të paktën 10 persona raportohet se kanë humbur jetën pas një sulmi me armë zjarri në kishën Hamud, në guvernatoratin e Karakut, në jug të Jordanisë.

Sipas raportimeve të mediave lokale, dy persona të armatosur kanë hapur zjarr ndaj të pranishmëve gjatë një ceremonie funerali. Deri më tani, motivet që çuan në këtë sulm mbeten të paqarta, ndërsa autoritetet kanë nisur një operacion për identifikimin dhe arrestimin e autorëve të dyshuar.

Ndërkohë, një tjetër incident i përgjakshëm është regjistruar pranë Hebronit, në Bregun Perëndimor, ku dy ushtarë izraelitë kanë mbetur të vrarë gjatë një shkëmbimi zjarri.

Ngjarjet kanë shkaktuar reagime të forta nga drejtuesit izraelitë, ndërsa në zonat e prekura janë ndërmarrë masa shtesë sigurie.

Hetimet për të dyja incidentet vijojnë, ndërsa rrethanat e plota dhe motivet e sulmeve ende nuk janë sqaruar.