Jasir Asani e ka nisur me një ritëm shumë të kënaqshëm këtë sezon në futbollin iranian me fanellën e Esteghlal, ku po shënon me rregullsi të admirueshme.

Përveç ndeshjeve në Ligën e Kampioneve të Azisë, ai po tund rrjetën edhe në kampionatin vendas dhe sot ka shënuar golin e katërt të edicionit në vetëm 9 ndeshje të luajtura.

Në minutën e 29 të ndeshjes në transfertë ndaj Çadormalu, Asani mori një top nga e majta dhe ia dol të çonte sferën në rrjetë për golin e avantazhit të përkohshëm 1-0.

SHIH VIDEON

Ky ishte goli i katërt i Asanit në këtë kampionat, vetëm 1 më pak se futbollisti që ka për momentin vendin e parë në renditjen e golashënuesve më të mirë të kampionatit iranian.