Kongresmeni demokrat amerikan Jim McGovern ka reaguar për protestat në Shqipëri, duke i bërë thirrje qeverisë t’i japë fund dhunës ndaj studentëve dhe protestuesve.
Në një postim në rrjetet sociale, ai shprehet i shqetësuar për përshkallëzimin e protestave. McGovern thekson se njerëzit dalin në rrugë, kur qeveria nuk u përgjigjet nevojave të tyre.
Ai kujton se e drejta për të protestuar paqësisht mbrohet nga e drejta ndërkombëtare. Kongresmeni u bën thirrje autoriteteve të dëgjojnë aspiratat e popullit.
I’m watching with concern the escalating protests in Albania. People take to the streets when their government is not responsive to the public’s needs. The right to peacefully protest is protected under international law. The government must halt violence against protestors, safeguard rule of law, and listen to the people’s aspirations.
https://t.co/erAAJT4pJT— Rep. Jim McGovern (@RepMcGovern) October 23, 2026
Postimi i kongresmenit demokrat amerikan Jim Mc Govern
Po i ndjek me shqetësim protestat që po përshkallëzohen në Shqipëri. Njerëzit dalin në rrugë kur qeveria e tyre nuk u përgjigjet nevojave të qytetarëve.
E drejta për të protestuar paqësisht mbrohet nga e drejta ndërkombëtare. Qeveria duhet t’i japë fund dhunës ndaj protestuesve, të garantojë sundimin e ligjit dhe të dëgjojë aspiratat e popullit.
