Dy protestues janë dhunuar gjatë përplasjeve me efektivët e policisë, ndërsa në zonë janë konstatuar persona me shenja gjaku.

Efektivë të shumtë vijojnë të qëllojnë me plumba gome, ndërsa bombulat me gaz lotsjellës janë hedhur në mënyrë masive.

Parku Rinia dhe bulevardi janë mbuluar nga gazi, ndërsa pranë Komisionit Qendror të Zgjedhjeve dhe Gjykatës së Lartë po mobilizohen forca të shumta policore.

Nga kjo zonë po afrohen autobotë me ujë dhe efektivë të tjerë, ndërsa përplasjet me protestuesit vijojnë.