Dy automjete të markës “Volkswagen” janë përfshirë në një përplasje në Vrion të Sarandës. Aksidenti ka shkaktuar vetëm dëme materiale, pa persona të lënduar.
Mjetet e përfshira drejtoheshin nga Spyros Kentros, me targa IKX7066, dhe Eranda Budo, me targa AB084RL. Ato janë përplasur në një pjesë të drejtë të rrugës në Vrion, afër parkimit të një këndi lojërash për fëmijë.
Të lidhura
None found
Sipas dyshimeve të ngritura nga hetimet paraprake, përplasja është shkaktuar nga një parakalim i gabuar i automjetit me targa IKX7066, që drejtohej nga Spyros Kentros.
Shërbimet e Qarkullimit Rrugor të Sarandës kanë shkuar në vendngjarje menjëherë pas aksidentit. Spyros Kentros dhe Eranda Budo janë testuar për alkool dhe për të dy rezultati ka qenë 0.00 mg/l.
Procedurat e policisë po vazhdojnë për të dokumentuar tërësisht rrethanat në të cilat ndodhi përplasja.
