Ministri Enea Karakaçi, njëherësh drejtues politik i Qarkut Shkodër, ka kërkuar dorëheqjen e të gjithë drejtuesve të institucioneve lokale, pa përjashtim. Sipas raportimeve të mediave, vendimi për largimin e drejtuesve nuk do të kufizohet vetëm në Tiranë, por do të shtrihet edhe në qarqet e tjera të vendit.
Karakaçi ka zhvilluar këtë të shtunë një takim në Shkodër me drejtuesit e institucioneve që përfaqësojnë Partinë Socialiste dhe Partinë Socialdemokrate, ku u ka kërkuar të gjithëve të dorëzojnë detyrën. Sipas Newsbomb.al, ministri ka bërë të qartë se nuk do të ketë përjashtime dhe se dorëheqjet do të bëhen në bllok.
Sipas mediave lokale, ky zhvillim tregon se vendimi i kryeministrit Edi Rama për largimin e drejtuesve të institucioneve nuk do të prekë vetëm Tiranën, por do të shtrihet në të gjitha qarqet e vendit.
Takimi i Karakaçit me drejtorët në Shkodër ka zgjatur rreth 30 minuta. Sipas burimeve të cituara nga mediat, ministri ka qenë i prerë në kërkesën e tij që të gjithë drejtuesit, pa përjashtim, të dorëzojnë detyrën.