Situata pranë selisë së Partisë Socialiste është tensionuar, pasi protestuesit kanë hedhur fishekzjarre dhe mjete piroteknike në drejtim të efektivëve të policisë, të cilët janë pozicionuar për të mbrojtur godinën.
Gjatë përplasjeve, protestuesit kanë përdorur edhe bomba molotov, duke shkaktuar vatra zjarri në zonën përreth selisë së PS-së. Në përgjigje të situatës, policia ka përdorur plumba gome ndaj protestuesve.
Pavarësisht tensioneve, protestuesit kanë deklaruar se nuk do të tërhiqen deri në dorëheqjen e kryeministrit Edi Rama. Protesta e sotme kombëtare ka bërë bashkë edhe fraksione të ndryshme, të cilat janë bashkuar në kërkesat e tyre politike.
